Во Прилеп затвореник со тешки телесни повреди завршил во болница откако бил претепан од командир
Командир од казнено поправната установа во Прилеп применил физичка сила и му нанел тешки телесни повреди на осуденик. Повредите кај осуденото лице биле констатирани од лекар од општата болница во Прилеп, се наведува во најновиот Извештај на Хелсиншкиот комитет.
Засега е откриено дека на 13 ноември осуденото лице во својство на обвинет присуствувал на судско рочиште. По завршување на судското рочиште, на пат кон негово спроведување во КПУ затвор Прилеп, тој бил физички нападнат од страна на командирот кој го придружувал.
Истиот ден, околу 22 часот, осуденото лице било однесено во општа болница во Прилеп каде му била пружена здравствена заштита, и било констатирано дека има видливи повреди во вид на модрило на задниот дел од ’рбетот и модрило во пределот на левиот лакотен зглоб.
„За да се увериме дали овој случај е уште еден во низата на пречекорување на овластувањата на припадниците на затворската полиција со примена на прекумерна сила која не е ниту оправдана ниту пропорционална, веднаш побаравме информации од Управата за извршување на санкции и Националниот превентивен механизам при Народниот правобранител од каде сè уште сме во очекување на одговор.
Силата која ја употребуваат полициските службеници и припадниците на затворската полиција треба секогаш да биде неопходна, оправдана, сразмерна и пропорционална. Апсолутно е забрането секаков вид мачење, сурово и друго нечовечко постапување со примена на сила и средства на присилба. Секое вакво постапување претставува тортура, нехуман и деградирачки третман кој треба најстрого да се санкционира“ се вели во извештајот на Хелсиншкиот комитет.
Ново на Сител
-
Таксист добил срцев удар додека превезувал патник откако му се слошило удрил во дрво
-
Германија го олесни влезот на работници од земји вон ЕУ, двојно зголемен бројот од Западен Балкан
-
Горела ниска вегетација кај скопско Ново село
-
114 сообраќајни санкции во Скопје
-
Околу 15 илјади кандидати полагаат мајчин јазик – Првиот испит од државната матура
-
Без струја дел од улицата од Центар
-
Финале на ЛШ: Рекорден триумф на Реал или последен победнички танц на Ројс со Борусија?
-
Хамас соопшти дека го одобрува планот на Бајден за мир во Газа, Израел испрати преговарачи