Во Прилеп отворена изложбата „Состојби“ од Александар Станкоски
Изложбата на слики „Состојби“ на уметникот Александар Станкоски синоќа беше отворена во ликовната галерија на Центарот за култура „Марко Цепенков“ во Прилеп.
Станкоски пред прилепската јавност се претставува со 30 дела, а изложбата ќе биде отворена две недели.
Според историчарот на уметност Викторија Димеска, која ја отвори изложбата, творештвото на Станкоски се одликува со динамичен цртеж, робусен облик на фигурата и експресивна чиста боја со изразена јасност и моќност.
– Динамичната линија и експресивноста на бојата, како и пародискиот и ироничниот призвук претставуваат основно изразно средство на уметникот при наративното конституирање на композицијата. Меѓутоа, идејата е таа која што претходи во креативниот творечки процес на Станкоски. Па, оттука, неговото творештво често се карактеризира и дефинира истовремено како експресионистичко и апстрактно. Во творечкиот опус можат да се воочат комбинирани разновидни стилови и елементи, кои имаат функција да го пренесат примарното сфаќање и обликувањето на определената содржина – стрипот, карикатурата, графитот, цртежот, илустрацијата, фотографијата, рече Димеска на отвоарањето на изложбата.
Ново на Сител
-
Судењето за убиството на Вања и Панче продолжува на 16 април со сведочење на Палевски
-
Олуките за продолжување на кризната состојба на јужната и северната граница на државата и на КПД Идризово поминаа на Комисијата за одбрана
-
Зеленски: Украина досега доби вкупно 100 милијарди долари помош од САД
-
Пленковиќ: Протерувањето на Хрватите од Србија мора да престане
-
Димитриеска-Кочовска: Зголемена наплатата кај даночните приходи
-
Палевски: Заминав во Турција за да докажам дека Гоце Делчев бил убиен од врховистите, а не турски аскер
-
Венко Крстевски избран за в.д градоначалник на Општина Кочани
-
Тошковски: За трагедијата во Кочани се постапува по над 50 осомничени