Во Општина Гази Баба се одржа манифестацијата „Вкуси ја Гази Баба- Вкус за сите генерации”

На плоштадот во Автокоманда се оджа манифестацијата „Вкуси ја Гази Баба- Вкус за сите генерации”, што беше организирана од Општина Гази Баба.

– Посетителите имаа можност да се запознаат со компаниите кои на посебни штандови ги претставија своите производи, да дегустираат од гастрономските умешности на врвни готвачи и да уживаат во одличната музичка програма за сите генерации, соопштија од Општина Гази Баба.

Градоналалникот на Општина Гази Баба, Борис Георгиевски ја отвори манифестацијата и изрази задоволство што втора година по ред, овој настан е епицентар на културните збиднувања.

– Чест ми е што ја имам можноста да ја отворам манифестацијата „Вкуси ја Гази Баба – Вкус за сите генерации” која ја спроведуваме втора година по ред. Среќен сум што внесуваме еден нов, урбан и модерен концепт на организирање на културни настани во нашата општина. Граѓаните имаа можност да слушнат едукативни совети од врвни стручни лица за готварството и здравата храна. Целта е компаниите да ги презентираат своите услови, своите производи, а со тоа да бидат што подостапни и поблиску до граѓаните, посочи градоначалникот Георгиевски.