Во нереди во затвор во колумбискиот град Тулуа загинале 49 затвореници

Четириесет и девет затвореници загинаа за време на ноќните немири во затворот во југозападниот колумбиски град Тулуа, изјави денеска претседателот на националната затворска агенција Тито Кастеланос.

-Тоа е трагичен и катастрофален настан, изјави Кастеланос за локалното радио Каракол, додавајќи дека уште 30 други лица се повредени, пренесуваат британските медиуми.

Колумбија во 2020 година во екот на пандемијата на коронавирусот најави дека ќе ослободи илјадници затвореници, откако затворениците се побунија поради турканиците и недостатокот на санитарни услови.