Во Маракеш почнува меѓународна конференција на ОН за климата
Во Маракеш денесла почнува Меѓународната конференција за климата (COP22), која ќе се одржи под силно полицско обезбедување.
Комплексот со плоштина од 300 илјади квадратни метри спроти историските порти Баб-Игли на стариот град, неофицијално наречен „село“, на конференција се подготвува да прими 20 илјади учесници на климатскиот форум од целиот свет.
Во центарот на комплексот е издгигната огромна барака, инспирирана од мароканските традиционални шатори. До неа се наоѓа т.н. сина зона, во која ќе се одржуваат преговорите и која ќе ги прими новинарите и делегатите на околу 3.300 акредитирани невладини организации, како и некои знаменитости.
Освен сина има и зелена зона, наменета за пошироката публика, а во која пристап ќе имаат оние кои претходно се регистрирале.
Комплексот, кој вклучува 55 шатори и десетици конференциски сали, беше детално проверен во петокот на мароканските служби за безбедност.
За безбедноста на настанот, кој ќе трае до 18 ноември, ќе се грижат околу 12 илјади полицајци, 250 полицајци со мотоцикли, три хеликоптери и околу сто полициски автомобили.
Над 40 претседатели на држави и повеќе од 30 владини лидери до моментов го потврдија учеството, меѓу кои францускиот претседател Франсоа Оланд. Меѓу учесниците се и некои светски познати личности како Леонардо ди Каприо и Арнолд Шварценегер.
Мароканското претседателство на COP22 сака форумот во Макареш да биде „конференција од акција“, која ќе ги конкретизира важните чекори постигнати на климатската конференција во Париз минатата година.
Париската спогодба за борба против глобалното затоплување, која беше усвоена од 195 земји, стапи во сила во петокот.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228