Во Кочани 489 барања за субвенции за предадена оризова арпа
На еден ден пред истекот на рокот за поднесување пријава за предадени количини на оризова арпа кај откупните и преработувачките капацитети, оризопроизводителите од Кочанскиот производен регион забрзано ги доставуваат комплетираните документи за пријавување во подрачната единица на Министерството за земјоделство, шумарство и водостопанство во Кочани за добивање субвенција по основ на предадена оризова арпа во текот на јули од реколтата во 2015 година.
Од подрчаната единица на Министерството во Кочани истакнуваат дека на еден ден пред истекот на рокот 31 август, се поднесени 489 апликации за добивање дополнителни субвенции за предадена оризова арпа кај откупувачите.
Посочуваат дека ова е во рамки на очекувањата и најавуваат дека овој број во текот на утрешниот ден би се зголемил за уште шеесетина апликации, кога се очекува и Подрачната единица на Министерството во Кочани да работи и со продолжено работно време доколку има потреба од тоа.
Со новата мерка на Владата земјоделците кои имаат пријавено земјиште до 2 хектари на кое одгледуваат оризова арпа ќе добијат 5 денари дополнителна субвенција за предаден килограм кај откупувачите. Земјоделците со земјиште од 2 до 10 хектари имаат право на субвенција од 4 денари за килограм, а производителите со пријавено земјиште над 10 хектари на кое одгледуваат ориз ќе добијат по три денари за килограм.
Одлуката арпата да биде предадена од 1 до 31 јули Владата ја донесе со цел да се продадат количините останати од минатогодишната реколта 2015 година.
Ново на Сител
-
Пленарна седница за интерпелацијата на јавниот обвинител Коцевски
-
Почнува судскиот процес за нападот врз скопската градоначалничка Данела Арсовска
-
Иран им се заканува на САД и Израел со силна одмазда во случај на напад, навестува можност за договор
-
Четворица убиени во пукотница во Њујорк, напаѓачот исто така е мртов
-
Словенечки пожарникари и специјализирана опрема пристигнуваат во Берово
-
Без струја корисници на улиците „Иван Цанкар“, „Франц Прешерн“ и „Вангел Дину“ во Карпош
-
Во Нови Сад прифатена иницијатива за споменик на жртвите од падот на бетонската настрешница
-
Посвежо време со локални врнежи и максимална температура до 35 степени