Во Киркук е воведен полициски час
Во ирачката провинција Киркук од денеска е воведен полициски час, објави телевизијата „Ас Сумарија“.
Мерката е воведена во момент кога во автономната област Ирачки Курдистан се одржува референдум за независност. Киркук, која е ирачка провинција богата со нафта, не влегува во состав на Ирачки Курдистан, но фактички е под контрола на курдските оружени формации - Пешмерга и во неа се одржува гласање.
Член на Пешмерга беше убиен, а двајца се повредени откако вооружени луѓе отвориле оган во источниот ирачки град Туз Курмато, во момент кога се одржува референдумот за независност на Ирачки Курдистан.
Според извор од безбедносните сили, на кој се повикува ДПА, престрелката се случила во близина на канцеларии на Курдистанската патриотска унија, една од главните партии во тој регион.
Туз Мурмато е град јужно од Киркук во една од областите каде има несогласување меѓу централната влада и ирачкиот автономен курдистански регион.
Ирачкиот парламент гласаше денеска да бидат испратени воени сили во Киркук и други области во Ирачки Курдистан каде во тек е референдум за независност.
Според изборната комисија, досега повеќе од 70 отсто од жителите со право на глас излегле на референдумот на гласање во ирачкиот автономен регион. Гласањето е продолжено за еден час, а официјалните резултати ќе бидат објавени за 24 часа.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули