Во Кавадарци промовирана поетската збирка “За нашето наше”
Во галеријата при Домот на културата „Иван Мазов - Климе“ од Кавадарци, синоќа се одржа промоција на најновата поетска збирка од кавадаречката поетеса Тодорка Андова „За нашето наше“, во рамки на манифестацијата „Кавадаречка културна есен 2016“.
Во оваа поетско дело застапени се и песни од творештвото на нејзиниот починат сопруг Томе Андов, поет, во чиј спомен е и издавањето на оваа книга.
- Моите песни објавени овде се полни со емоции, тие ги одразуваат моите чувства, создавани се во периодот од моментот кога Томе не напушти. Со зборови го опишав и го ставив на хартија сето тое низ кое што минував овие пет години, рече авторката.
Пред присутните, меѓу другите се обрати и Милка Миндева, поетеса од Кавадарци.
- Животот не се мери со бројот на вдишувањата што ќе ги направиме, туку со миговите што ни го одзеле здивот. А за една ваква вештина, потребни се искрени и спонтани личности, кои можат и да го направат тоа. Не може секој да патува меѓу ѕвездите, а уште помалку, да патува со нив, нагласи Миндева.
Таа рече дека во овие песни, Тодорка е патник, сопатник, меѓу сонот и јавето, меѓу далечината и блискоста, меѓу двата света, меѓу зборовите и делата. Меѓу сјајот и мракот, меѓу насмевките и солзите, меѓу тажачката и радоста, меќу средбите и разделбите.
Ново на Сител
-
Најмалку 13 цивили загинаа во израелски воздушен напад врз училиште во Газа
-
Специјална акција на грчката полиција во ромска населба во Атина, уапсени 12 лица
-
Следните два дена сончево, во вторник и среда дожд и грмежи
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих
-
Промовирана мобилна апликација за зајакнување на полицијата во постапување на случаи на родово базирано и семејно насилство