Во Кавадарци одбележани 73 години од загинувањето на Димче Мирчев и Киро Крстев
Со положување цвеќе пред споменикот на влезот во градскиот парк во Кавадарци, денеска беа одбележани 73 години од загинувањето на Димче Мирчев и Киро Крстев, во борба со бугарскиот окупатор во 1944 година. Почит им оддадоа претставници на урбаната заедница „Киро Крстев“, Советот на општината, Сојузот на борци и други граѓани. Хористи од хорот при Основното училиште „Тошо Велков Пепето“, ја интерпретираа македонската химна, а ученици од истото училиште преку рецитал потсетија на Мирчев и Крстев.
Историски час одржа Марија Михова, кустос-историчар во Музеј галеријата од Кавадарци. Таа говореше за животните патишта на Димче Мирчев од Велес и Киро Крстев од Кавадарци, состојбата која му претходела на убиството и херојското дело на двајцата млади борци.
- Како искусни борци и партиски раководители добиле задача во Кавадарци да подготват нови младинци и симпатизери на Народноослободителното движење за излегување во партизанските единици, рече меѓу другото Михова.
Таа потсети дека пред 73 години во куќата на Иге Златев биле одржани неколку состаноци, средби и договори, бидејќи се подготвувало заминување на поголема група младинци во партизани.
- Во екот на тие подготовки, пред се поради големата желба и ентузијазам, попуштила будноста кај младите борци. Бугарскиот фашистички окупатор успеал да ја открие куќата каде престојувале Киро и Димче и во нерамна борба при обид за нивно бегство од обрачот ги убил, додаде Михова.
Ново на Сител
-
Сиљановска Давкова ги прифати оставките на Комисијата за помилување
-
Бајден се надева дека последните израелски напади врз Иран ќе бидат „крај“ на директната размена на оган меѓу двете земји
-
Колективна оставка на Комисијата за помилување
-
Најмалку 81 лице го загуби животот во бурата „Трами“ на Филипините
-
Момче пријавило напад и повреда со остар предмет во Карпош, приведен малолетник
-
Пронајдена дрога во Битола, приведени две лица
-
Направени се вонредни инспекциски надзори на неколку универзитети
-
Приведен криумчар на мигранти во близина на селото Богородица