Во Каиро почнаа нови преговори за прекин на огнот во Газа
Во главниот град на Египет денеска почнаа новите преговори што имаат за цел постигнување примирје меѓу Израел и Хамас во Појасот Газа за време на светиот месец Рамазан.
Според египетските провладини медиуми, во Каиро се пристигнати претставници на Катар, на САД и Хамас.
На средбата претставниците на Хамас треба да им „дадат одговор на предлогот од Париз“ на крајот на јануари, изјави извор близок до исламистичкото движење.
Предлогот на земјите посредници – Катар, САД и Египет се однесува на шестнеделна пауза во борбите и ослободување на 42 заложници држени во Газа во замена за Палестинците кои се во израелските затвори. Целта е да се постигне примирје пред почетокот на Рамазан, што почнува на 10 или 11 март.
Американски официјален претставник вчера кажа дека Израел „повеќе или помалку“ го прифатил договорот за прекин на огнот во Газа, префрлајќи ја топката на „теренот на Хамас“.
-Договорот е на маса. Израелците повеќе или помалку прифатија. Шестнеделен прекин на огнот во Газа би можел да започне денеска доколку Хамас се согласи да ослободи прецизно дефинирана категорија ранливи заложници, изјави американски официјален претставник пред продолжувањето. на преговорите.
Примирјето би можело да биде потпишано во рок од 24 до 48 часа доколку Израел ги прифати барањата на Хамас, изјави за француските медиуми висок функционер на Хамас кој сакаше да остане анонимен. Тие вклучуваат „враќање на раселените Палестинци во северниот дел на Газа и зголемување на хуманитарната помош“ на „400 до 500 камиони дневно“ во споредба со околу 80 што моментално пристигнуваат.
Во замена за ослободување на заложниците, палестинското движење бара и конечен прекин на огнот и повлекување на израелската армија од Газа.
Ново на Сител
-
САД тврдат дека постигнале договор за забрзување на испораките на ретки метали од Кина
-
Пред пратениците на 58. седница предлог-законите од Реформската агенда
-
Мерц е за „брз и едноставен“ трговски договор со САД, Макрон за „избалансиран“
-
Второ пријавување за упис во средните училишта на 30 јуни, слободни над 16 000 места
-
Стан изгоре во пожар во Делчево
-
Заклучоци на Самитот на ЕУ: Иднината на Западниот Балкан е во Европската Унија
-
Кошта: Да изградиме заеднички европски одбранбен систем што ќе ја одвраќа секоја агресија
-
Муцунски: Нема да има промени на нашите позиции за уставните измени ни по локалните избори