Во Јемен регистрирани над 300.000 случаи на колера

Во Јемен веќе се регистрирани повеќе од 300.000 случаи на колера, соопшти денеска Меѓународниот комитет на Црвениот крст.

- Загрижувачки. Веќе имаме повеќе од 300.000 сомнителни случаи, со 7.000 нови случаи дневно, напиша на Твитер регионалниот директор на Црвениот крст, Роберт Мардини.

Светскатата здравствена организација (СЗО) претходно соопшти дека на 7 јули имало регистрирани 297.438 сомнителни случаи на зараза и 1.706 починати лица. Вчера, меѓутоа, СЗО не ги обнови своите податоци, како што принципелно прави секој ден.

Портпарол на СЗО изјави дека информацијата се уште се анализира од страна на јеменското Министерство за здравство.