Во Холандија уапсена двојка поради бегство од ковид хотел

Холандската жандармерија соопшти дека на аеродром во Амстердам е уапсиле двојка која „побегнала” од хотел во Амстердам, каде патниците кои пристигнале од Јужна Африка позитивни на ковид-19 биле ставени во карантин.

Портпаролот на жандармеријата изјави дека двајцата биле уапсени во авион што се подготвувал да полета за Шпанија и 30-годишниот Шпанец и 28-годишната Португалка се предадени на здравствените власти.

Инцидентот се случи откако холандските власти објавија дека 13 лица, од вкупно 61 тестирани, биле позитивни на коронавирус меѓу патници кои пристигнале со два лета до аеродромот во петокот. Тие се заразени со новиот сој Омикрон на коронавирусот. Против двајцата „бегалци” ќе биде поднесена тужба за нарушување на јавната безбедност.