Во Хамбург продолжуваат апсењата поради насилните протести
Германската полиција употреби солзавец и водени топови за да ги растера демонстрантите на улицата „Шултенблат“ во Хамбург, каде одржаните насилни протести против средбата на Г-20 можат да ги отежнат разговорите на светските лидери.
Полицијата утринава соопшти дека само во една зграда биле уапсени 13 лица, а состојбата во квартот Шанценфиртел, каде што се одржуваат протестите, се смирува. Досега се приведени над 100 учесници во протестите.
На телевизиските снимки се забележува како полицајци влегуваат во зградите, а на небото кружат хеликоптери. За отстранување на барикадите, поставени од демонстрантите, биле употребени транспортери. Полицијата потврди дека била нападната од демонстранти вооружени со „молотови коктели“, метални прачки и камења, а околу 500 лица искршиле излози и ограбиле супермаркети и помали продавници.
Портпаролот на полицијата, Тимо Цил изјави дека е потресен од насилството, кое започна во четвртокот.
- Никогаш не сме се соочиле со толкаво ниво на омраза и насилство, истакна Цил.
Локалната полиција побарала засилување од над 900 полицајци од другите градови на Германија, со цел да ја смири ситуацијата во Хамбург.
Во немирите се повредени 197 полицајци и десетици демонстранти. Според противпожарната служба, околу 60 цивили биле пренесени во болница.
Германската канцеларка Ангела Меркел ги осуди насилните протести и дивеењето на демонстрантите, нагласувајќи дека е „неприфатливо да се загрозуваат животите на луѓето“.
Во текот на денешниот, последен ден од средбата на Г-20, се очекува околу 100.000 луѓе да се приклучат на протсетите, кои се организирани на еден од плоштадите во Хамбург.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање