Во Грција нови 1.820 случаи на Ковид-19
Втор ден по ред, во Грција е регистриран зголемен број нови случаи на Ковид-19, вкупно 1.820 новозаразени, од кои повторно најголемиот дел се во областа Атика, поширокиот регион на Атина, додека пак починаа девет лица, јави дописничката на МИА од Атина.
Според официјалните податоци од Националната организација за јавно здравје на Грција, 1.061 случај е во Атика, 172 се на Крит, 51 во Солун, 50 во Јанина, 18 во Коринт, 14 на островот Миконос (кој веќе е во третата портокалова зона), 12 на Крф, пет на Халкидики итн.
Од новите случаи 21 е „увезен“, од кои шест биле откриени на влезните точки во земјата.
Вчера, беа соопштени 1.797 нови случаи на Ковид-19, од вкупно 66.464 тестови, а денешните 1.820 заразени се од 59.903 тестирања (13.578 рапид и 46.325 ПЦР).
Последен пат, над 1.800 новозаразени во Грција имаше на 1 јуни годинава.
Од почетокот на пандемијата во земјата, од Ковид-19 починаа 12.763 лица, а потврдени се 430.960 позитивни случаи.
Ново на Сител
-
Членовите на „СпејсИкс“ се вратија на Земјата
-
Вулин: Не треба да влеземе во ЕУ ако цената е признавањето на Косово
-
Град Скопје: Нов зелен појас на кејот на Вардар
-
ВМРО-ДПМНЕ: СДС да се погледне во огледало за сите предавства што ги направи на македонскиот народ
-
Кузеска: ВМРО-ДПМНЕ нема капацитет да преговара со Бугарија
-
Валандовец запалил возило на сограѓанин
-
Вечерва во прекин сообраќајот на патниот правец Куманово – Лопате
-
Краделе од нива, приведени три лица од Кавадарци