Во Германија уапсени двајца Алжирци осомничени за врски со ИД

Двајца осомничени исламисти се уапсени денеска во Германија при серија полициски операции, спроведени по добиена дојава за подготвка на терористички напад, соопшти извори од германските безбедносни сили.

Како што јави БТА, операциите биле спроведени во Берлин, Хановер и Атендорн.

При акциите полицијата уапсила двајца од четворцата најбарани алжирски државјани, кои се осомничени за тероризам и поврзаност со џихадистичката група Исламска држава (ИД). 

Едниот бил упасен во центар за регистрација на бегалци во Атендорн, а другиот во германскиот главен град.

Полицијата добила дојава за подоготвка на терористички напад од службата за контраразузнавање. Местото на кое би бил извршен нападот не е соопштено.