Во Франција за седум месеци се затворени 20 џамии
Француските власти од декември минатата година затвориле околу 20 џамии и простории за молитва, за кои е утврдено дека во нив се проповедал радикален ислам, изјави денеска францускиот министер за внатрешни работи Бернар Казнев.
- Во Франција нема место за оние кои повикуваат на омраза или ја поттикнуваат во простории за молитва, ниту за оние кои не почитуваат одредени републикански принципи, првично оние кои се однесуваат на еднаквост меѓу мажи и жени, истакна Казнев.
- Затоа пред неколку месеци донесов одлука за затворање на џамии по пат на примена на вонредна состојба, законски или административни мерки. Околу 20 џамии досега се затворени, а ќе има уште, нагласи Казнев по средбата со лидерите на Францускиот совет за муслиманска вера.
Во Франција има околу 2.500 џамии и простории за молитва, од кои за околу 120 се смета дека во нив се проповеда радикален ислам.
Министерот додаде дека од 2012 година од Франција се протерани 80 луѓе, а во тек се протеривања на уште некои.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите