Во Европа вирусот Ковид-19 е во опаѓање, но нема да исчезне без вакцина
Директорката на Европскиот центар за контрола и превенција на болести Андреа Амон вели дека во ЕУ вирусот Ковид 19 го достигна својот врв и дека во повеќето земји-членки е во опаѓање.
Таа наведува дека ограничувањата во движењето и социјалната изолација го намалија ширењето на коронавирусот за 45 проценти од почетокот на пандемијата во Европа, но и дека вирусот нема да исчезне сè додека не се најде вакцина.
Амон пред Комитетот за животна средина и јавно здравје на Европскиот парламент нагласи дека досега со новиот коронавирус се заразени 3, 5 милиони луѓе низ целиот свет, а пријавени се 250.000 смртни случаи.
– Последните податоци за ЕУ, Европската економска област и Велика Британија покажуваат дека има заразено 1,1 милиони луѓе и повеќе од 130.000 смртни случаи, рече Амон.
Таа го потенцира фактот дека во Европа особено се погодени домовите за стари лица, така што во некои земји над 50 отсто од смртните случаи се таму.
Амон додава дека во процесот на постепено повлекување на рестриктивните мерки, а со цел да се намали бројот на болни и починати, како и да се контролира ширењето на вирусот и неговото пренесување, земјите мора да се фокусираат на неколку важни точки.
Станува збор за воспоставување стратегија за следење на интензитетот и ширењето на вирусот, влијанието врз здравствениот сектор, како и следење на спроведувањето на физичката оддалеченост меѓу граѓаните.
Друга точка, според неа, е да се прошири капацитетот за тестирање, рано откривање и изолирање на потврдени случаи, што вклучува заштита на ризични групи и проценка на општ имунитет.
– Земјите мора да посветат особено внимание на т.н. следење контакти, доволни капацитети на здравствениот сектор, но и да го оценат досегашниот одговор за да ги идентификуваат најдобрите практики и научените лекции, рече Амон.
Таа особено ја потенцира важноста за донесување стратегија за информирање на јавноста за ризиците и другите аспекти за Ковид-19.
– Граѓаните треба постојано да се потсетуваат дека овој вирус нема да исчезне додека не ја имаме вакцината, предупреди Амон.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово