Во Демир Хисар ликовна изложба на уметникот Ибрахим Беди

Општина Демир Хисар во рамки на програмата „Град на културата“ вечер организира ликовна изложба на ликовниот уметник Ибрахим Беди.

Изложбата ќе биде поставена во фоајаето на Дом на култура „Илинден“ и ќе биде отворена до 11 октомври.

Ликовниот уметник Беди Ибрахим од 1986 година е член на Друштвото на ликовни уметници, а од 2002 година работи на Факлутетот за ликовни уметности во Скопје на одделот завајарство како доцент по предметите вајарски техники и цртање.

-На вечерашната изложба во општина Демир Хисар ќе бидат презентирани 29 слики работени во комбинирана техника. Апстрактот е главен препознатлив елемент на сликите и доминираат неопределени форми како пловат во просторот. Авторот-уметник на сликите изработени на хартија користи светли бои и тонови, посочуваат организаторите на вечерашниот културен настан во тамошната локална самоуправа.