Во Дебар доставени 856 даночни пријави
Во Даночниот шалтер во Дебар, кој со својата активност ја покрива и општина Центар Жупа, досега се доставени 856 годишни даночни пријави, информира Гоце Веселиновски, портпарол на Регионалната дирекција на УЈП во Тетово, во чии рамки делува и дебарскиот даночен шалтер.
- Рокот за поднесување годишна даночна пријава истекува за три дена, на 15-ти март. Со цел да им се излезе во пресрет на граѓаните шалтерот во Дебар работеше и денеска. По некое непишано правило да се чека последниот ден, очекуваме во последните два дена, понеделник и вторник поголем број на доставени пријави, вели Веселиновски.
Од опшините Дебар и Центар Жупа минатата година оваа законска обврска ја исполниле 1.310 даночни обврзници или двапати повеќе споредено со претходната година.
Лани на ниво на регионална дирекција, која го покрива подрачјето на Тетово, Гостивар и Дебар биле поднесени 33.370 годишни даночни пријави, што е за трипати повеќе споредено со 2014 година, кога биле поднесени 11 илјади пријави.
Ново на Сител
-
Баро: Путин е пречка за мирот, потребни се нови санкции против Русија
-
Баерн подготвува емотивно збогување со ветеранот Милер
-
Путин и Трамп разменија честитки по повод 80-годишнината од победата над нацистичка Германија
-
Во Москва средба Вучиќ - Си Џинпинг
-
Бискупот Стојанов упати честитки до папата Лав Четиринаесетти
-
Потребна е итна санација на патот во Галичник
-
Затворени пет бензински пумпи во Солун и во Атина поради измами со гориво
-
В недела посебен режим на сообраќај во Скопје