Во Црна Гора повторно се воведува полициски час од 21 до 5 часот наутро
Во Црна Гора се воведува полициски час од 21 часот до 5 часот утредента и забрана за меѓуградски сообраќај за време на викендите, соопшти денеска директорот на Институтот за јавно здравје Игор Галиќ.
Според новите мерки на Министерството за здравство, угостителските објекти ќе бидат отворени до 18 часот.
Во Будва и Тиват, каде епидемиолошката состојба е посложена, се забрануваат јавни собири на отворено и на затворено, а угостителските објекти нема да работат, како и компаниите што се занимаваат со непрехранбени производи.
Во овие општини, како што најави Галиќ, се прекинува работата во образовните институции – градинки, училишта, факултети, и се преминува на онлајн настава.
Забранети се спортски настани, а како што рече Галиќ, мерките не се однесуваат на обука на спортисти кои редовно се тестираат.
– На граѓаните на Будва и Тиват им се препорачува да не ги напуштаат териториите на тие општини со цел да се спречи ширењето на епидемијата, рече директорот на ИЈЗ.
Министерката за здравство, Јелена Боровиниќ Бојовиќ, додаде дека најавените мерки ќе важат во наредните денови, со можност за продолжување.
Боровиниќ Бојовиќ соопшти дека е забрането угостителските објекти да пуштаат музика, а во сила останува и важечката забрана за музика во живо.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран