Во Битола промовирана книгата „Безбедносни политики и концепти“ од Марјан Ѓуровски
Факултетот за безбедност-Скопје и Фондацијата „Конрад Аденауер“ денеска во Битола ја промовираа книгата „Безбедносни политики и концепти“ од Марјан Ѓуровски.
- Сегашниот безбедносен систем на Република Македонија не дава соодветен одговор на загрозувањата. Современиот безбедносен концепт на РМ треба да воспостави односи помеѓу поединците и заедницата, внатрешната безбедност и транснационалната безбедност, мултидимензионалните безбедносни и природните и факторите во опкружувањето, глобалната безбедност и присуството на не-државни или приватни безбедносни актери, нагласи Ѓуровски на промоцијата.
Во книгата, Ѓуровски се залага за зајакнување на контролната функција на Собранието врз креирањето и спроведувањето на безбедносната политика. Според него, концептот на интегрална безбедност е клучот за решенија на безбедносните предизвици и потребно е дополнување на постојните и донесување на нови документи за безбедносната политика, како и да се појасни улогата на Претседателот на Републиката во донесувањето на безбедносната политика.
Ѓуровски напомена дека Владата треба да донесе посебен закон за интегрална безбедност и да се изгради современ концепт за креирање на безбедносната политика, меѓу другото да продолжи потранспарентно реформирањето на тајните безбедносни служби, ГШ на АРМ да биде орган во рамки на Министерството за одбрана, да се реши положбата на Советот за национална безбедност и да се најдат механизми за подобра координација на разузнавачките служби и нивно натамошно обединување.
Тој предлага нов модел за креирање безбедносни политики каде носечки елементи би биле потпретседателот на Владата за политички систем со надлежност за координација на новоформиран Комитет за безбедност и безбедносна политика, појасни надлежности на Советот за безбедност, формирање на нов Институт за безбедносни политики и Аналитички центар за безбедност кој ќе ги користи информациите од разузнавачките и контраразузнавачките служби
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ