ОН: Во Авганистан годинава регистриран рекорден број цивилни жртви
Во Авганистан во првата половина на 2016 година е регистриран рекорден број цивилни жртви - 5.166 убиени и ранети, соопшти Мисијата на Обединетите нации за помош на Авганистан.
Мисијата во денеска објвениот извештај посочува дека во првите шест месеци од годинава се убиени 1.601 цивили, а 3.565 се ранети, што е раст за четири проценти во однос на истиот период лани. Една третина од жртвите се деца, од кои 388 се убиени.
Вкупниот број на цивилни жртви во земјата, регистрирани од ОН меѓу 1 јануари 2009 и 30 јуни 2016 година достигна 63.934, од кои околу 23 илјади се убиени, а 41 илјада се ранети.
Мисијата ги обвинува бунтовниците, а најмногу талибанците и групата Исламска држава за 60 отсто од смртните случаи. Во извештајот се додава дека жртвите предизвикани од владините сили се зголемиле за 47 отсто во однос на минатата година и претставуваат 23 отсто од вкупната бројка.
Заборавени експлозиви, мини и рачно изработени експлозивни направи се причина за смртта на 85 отсто од убиените и ранети деца.
- Секоја смрт на цивил треба да ги поттикне страните во конфликтот да реагираат за да ги намалат страдањата на цивилното населене и да му обезбедат подобра заштита, смета специјалниот пратеник на генералниот секретар на ОН во Кабул, Тадамичи Јамамото.
Ново на Сител
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола