Во Албанија се пролонгира повторното воспоставување на јавниот превоз поради зголемниот број на новозаразени со Ковид-19
Техничкиот комитет на експерти на Албанија соопшти дека се пролонгира планираното отпочнување со работа на јавниот превоз в понеделник, поради трендот на зголемување на новозаразени со Ковид-19.
Техничкиот комитет со кој раководи професор доктор Мира Ракацоли, одлуката ја донесе по разгледување на актуелната епидемиолошка состојба, што е оценета како стабилна, но за поголема сигурност, оваа најавена мерка се одлага, бидејќи е оценето дека претставува „активност со висок ризик“.
– Како што знаете, изминатата недела имаме зголемување на бројот на заразени лица во земјата и за да ја анализира епидемиолошката состојба, се состана Техничкиот комитет на експерти. Наша проценка е дека ова зголемување на бројот е резултат на намалената будност, невниманието и непочитувањето на правилата за физичко растојание при секојдневните активности. Затоа одлучивме за да нема чекори назад во стратегијата за отворање, за поголема сигурност, во актуелните услови да го одложиме почетокот на работата на јавниот превоз, како сектор од голем ризик, изјави епидемиологот Ракацоли.
Таа им порача на граѓаните и бизнисот дека „одењето напред во олеснувањето на мерките“ е во нивни раце со доследното почитување на превентивните мерки.
По одреден период на едноцифрени и ниски двоцифрени бројки на новозразени дневно, од понеделникот тој број е во постојан раст, така што денеска се регистрани 48 новозаразени, што е најголема бројка од почетокот на пандемијата.
Ново на Сител
-
Тема на денот со Владо Мисајловски, Министер за одбрана
-
Во Струмица едукација на младите за селекција на отпадот
-
Жените-земјоделки иако се столб на фамилиите, ниту се доволно препознати ниту доволно платени
-
Темелно ќе се работи на проблемот да се задржат младите
-
Тошковски: Нова канцеларија на управни служби на МВР во Сарај, ги доближуваме услугите поблиску до граѓаните
-
МВР ќе врши зголемена контрола, полициско обезбедување во училиштата по обидот за силување на малолетник
-
Мицкоски го подготвува писмото до европските лидери
-
Заедничка алпинистичка вежба на полициската „ЕБР“ и армиските „Волци“