ВМРО-ДПМНЕ: Време е СДСМ да ги почитува демократските принципи, граѓаните одлучија
СДСМ мора еднаш да започне да ги почитува демократските принципи и да ја прифати волјата на мнозинството.СДСМ тоа не го направи во 2014-та, иако граѓаните со резултатите од последните избори се уверија дека победата на ВМРО-ДПМНЕ и во 2014-та беше чиста како солза, исто како и победата на 11-ти декември, се вели во соопштението на ВМРО-ДПМНЕ.
Во продолжение го пренесуваме текстот интегрално:
СДСМ денес соопшти дека дојде време да се направи нова Влада и тоа е точно. Дојде време да имаме Влада според волјата на граѓаните искажана на избори, на местото на досегашната техничка влада создадена поради кризата во која СДСМ ја втурна Македонија.
А волјата на граѓаните и нивната доверба на изборите нескриено и десетти пат по ред беше насочена кон ВМРО-ДПМНЕ и програмата РЕАЛНО.
Граѓаните на изборите му кажаа одлучно не на аболицираниот криминалец Зоран Заев и неговата политика на конфликтност и кризи, измислици и фабрикации, мито и корупција.
ВМРО-ДПМНЕ го доби мандатот од граѓаните за да формира Влада и да ја преточи нивната волја во реални мерки и проекти, за нивен подобар живот.
Извршниот комитет на ВМРО-ДПМНЕ синоќа му даде целосна поддршка на мандатарот Никола Груевски да ја формира новата Влада во Република Македонија.
Граѓаните може да бидат поспокојни. Доаѓаат подобри времиња.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка