ВМРО-ДПМНЕ: Владата ги занемари потребите на граѓаните

ВМРО-ДПМНЕ денеска ја обвини новата Влада дека ги занемарила барањата и потребите на граѓаните во, како што наведува во соопштението, „трката за вдомување на своите партиски војници“.

Според ВМРО-ДПМНЕ, Владата за неполни три месеци од девизните резерви и од распишаните аукции на државни хартии „расипнички истрошила над 300 милиони евра“. 

Со тие пари, смета ВМРО-ДПМНЕ, можела да ги реконструира сите студентски домови и да изгради нови.

- Граѓаните буквално не видоа никаков бенефит од задолжувањето, СДС не реализираше ниту еден капитален проект со кој ќе го оправдаше ова задолжување. Граѓаните имаат право да знаат каде се трошат нивните пари кои секојдневно се одлеваат од државната каса, се вели во соопштението од ВМРО-ДПМНЕ.