ВМРО-ДПМНЕ- Скопје неколку дена е меѓу 10 најзагадени градови во светот, Шилегов ништо не презема

Во текот на вчерашниот ден на неколку локации во Скопје измерени се енормни стапки на загаденост за овој период од годината. Мерната станица кај Ректорат измерила ниво на канцерогени ПМ 10 честички во висина од 169  µg/m3, што е три пати повеќе од дозволеното, додека мерната станица во Центар покажала ниво на загаденост од 100  µg/m3, односно два пати повеќе од дозволеното.

Ветуваа живот, а донесоа смог, загаден воздух и зголемен број на канцерогени честички во воздухот. Најголемото предизборно ветување на Шилегов дека ќе обезбеди почист воздух не го реализира, ниту презема било што во насока на подобрување на квалитетот на воздухот. Напротив централната влада, од чии партиски редови доаѓа и Шилегов крати од Буџетот за животна средина.

Почитувани,

Ниво на загаденост од два до три пати над дозволеното во период пред отпочнување на грејната сезона е алармантно и недозволиво. Шилегов е директен виновник за ваквата ситуација. Иако повеќе од една година е градоначалник нема преземено ниту една мерка за превенција и подобрување на квалитетот на воздухот.

Шилегов од опозиција ветуваше итни мерки за справување со загаденоста на воздухот, за сега  да приредува хумористични стенд ап настапи за својата неработа, додека Скопје се гуши.

Господине Шилегов, граѓаните не ве гласаа да кажувате колку не работите и од тоа да правите хумор, бидејќи на граѓаните не им е до смеа кога со респираторни болести ги полнат болниците. Скопјани очекуваат работа, а не хумор од човекот кој според функција е градски татко. Ако не сте способни да се справите со реалните проблеми на граѓаните поднесете си оставка.

Центар за комуникации на ВМРО-ДПМНE, говорник Ирена Попова, советник во Советот на Град Скопје