ВМРО-ДПМНЕ побара одговорност за починатите бебиња на ГАК
ВМРО-ДПМНЕ денеска на прес-конференција побара случајот со починатите бебиња на Клиниката за гинекологија да се расветли до крај и побара одговорност од надлежните.
- Скандалот мора да биде испитан до крај. Не смее да се прикрива ништо, истакна на прес-конференција Марија Андоновска од ВМРО-ДПМНЕ.
Посочи дека партијата предупредувала дека со СДСМ со брутална партизација на институциите и со поставување на, како што кажа, некомпетентни партиски кадри државата ја турка во хаос.
- ВМРО-ДПМНЕ предупредуваше и дека именувањето на Викторија Јовановска за директор на Гинекологија само заради тоа што била блиска другарка на сопругата на Зоран Заев, Зорица Заева ќе има сериозни последици, рече Андоновска.
Обвини дека Министерството за здравство прикрива уште еден случај на починато бебе на Клиниката на гинекологија, покрај тројката новороденчиња. Андоновска праша зошто ГАК и Министерството за здравство го премолчија случајот и што се случува на Клиниката кога за само три дена починале четири бебиња. Одговорност, како што кажа, мора да има.
Според Андоновска, здравството е во хаос и ако кај одговорните во овој ресор има грам морал и доблест, ќе си поднесат оставка и ќе си заминат од оваа професија.
Ново на Сител
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци