ВМРО-ДПМНЕ: ЈП „Струмица гас“ работи во корист на Заев
ВМРО-ДПМНЕ денеска преку соопштение наведува дека „СДСМ е во очекувана паника отако криминалите на Зоран Заев започнале се повеќе да излегуваат на површина“, посочувајќи на работењето на ЈП „Струмица гас“ од Струмица за што е оформен предмет во Јавното обвинителство.
- Јавноста дозна за тендерите на јавното претпријатие „Струмица гас“ со кои Зоран Заев го полнеше со пари неговиот сопартиец Митко Андреевски, претседател на партиската комисија за енергетика. Човек фирма, без имот и средства, регистрирана во куќа на неговата сопруга ги добива тендерите на „Струмица гас“, стои во соопштението.
Според ВМРО-ДПМНЕ, само со последниот тендер од 2016 година е направена штета од 700.000 евра, пари на граѓаните кои, посочуваат, завршиле во џебовите на Заев и неговите партиски пајташи.
- Јасно како ден е дека ЈП „Струмица гас“ не работи во полза на граѓаните, туку единствено во корист на криминалната тендерска мрежа од која се богатат Зоран Заев и неговите партнери. Предметот веќе е во рацете на Јавното обвинителство кое не смее да подлегнува на политичките притисоци од СДСМ. Доставените докази треба да бидат разгледани согласно законот. Секој што крадел мора да одговара, се наведува во соопштението на ВМРО-ДПМНЕ.
Ново на Сител
-
Штипјанка пронашла делови од човечко тело за кои претпоставува дека се на нејзината мајка
-
Почина маж по пад од дрво, приведена неговата невенчана сопруга
-
АА: Братството со Србија го откри вистинското лице на оваа Влада
-
Ердоган: Нетанјаху ќе биде запрен како Хитлер
-
Царинската управа ќе работи на воспоставување на нов граничен премин Клепало
-
Музиката може да поттикне побрз раст и развој на растенијата
-
Јаневска: До крајот на мандатот услови за едносменска настава во сите училишта и ангажирање на 3000 вишок наставници
-
Фудбалски тим од третата грчка лига останал без опремата додека со траект патувал од Крит за Атина