Владата денеска ќе одржи седница
Владата на Република Македонија денеска, меѓу другото, ќе ја одржи редовната 59-та седница со повеќе точки на дневен ред од својата програма за работа и од интерес на граѓаните.
На денешната седница ќе биде разгледана информацијата за статусот на надградба на системот на Агенцијата за вработување на Република Македонија за поврзување со Централниот регистар на население.
На предлог на Министерството за информатичко општество и администрација на оваа седница ќе се утврдува текстот на Предлог-законот за изменување и дополнување на Законот за управната инспекција.
На дневниот ред на 59-тата седница е и Предлог-законот за ратификација на Договорот меѓу Страните на Северноатлантскиот договор за безбедност на информации.
Министерството за правда ќе реферира за напредокот на проектот „Реконструкција на казнено-поправните установи во Република Македонија”, а Министерството за информатичко општество и администрација ќе информира за формирањето на Меѓуресорска работна група за меѓусебно усогласување и измена на законите и подзаконските акти поврзани со градење и електронските комуникации.
Редовната 59-та седница на Владата е предвидено да започне во 12:30 часот преку видеоконференциска врска, а за заклучоците и одлуките од оваа седница јавноста ќе биде информирана преку соопштение.
Ново на Сител
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ