Вјоса Османи: Украина ќе ја признае независноста на Косово кога ќе извојува победа над Русија
Косовската претседателка Вјоса Османи денеска во Тирана изрази уверување дека Украина ќе ја признае независноста на Косово кога ќе победи во војната против Русија.
Пред почетокот на Самитот за Украина, кој се одржува во Албанија, таа рече дека Косово ја разбира несекојдневната ситуација во која сега се наоѓа украинскиот народ. – Тоа се билатерални прашања.
Ние секогаш сме упатувале такво барање (за признавање на независноста) и ќе продолжиме да го правиме тоа со целосно разбирање дека Украина е во вонредна состојба, војна и се бори за својата слобода, својата независност и вредностите кои се толку важни за сите од нас.
- Убедена сум дека тој момент ќе дојде заедно со победата на Украина, оцени Османи. Таа го оцени овој самит како важен и додаде дека на него ќе се повтори поддршката на Косово за Украина.
„Важно е затоа што ќе имаме можност како вреден сојузник да ја обезбедиме сета наша поддршка за Украина, како што правивме од првиот ден на руската неиспровоцирана и незаконска инвазија на Украина, со воведување санкции, поддршка на граѓаните на Украина, поддршка за украинската армија. И отсега тоа ќе го правиме- Денеска на Самитот ќе зборувам за конкретните чекори што Косово ги презема во таа насока и секако дека ќе бидеме тука додека Украина не победи“, потенцираше Османи.
Ново на Сител
-
Велипеток - најтешкиот ден во годината
-
Избори во САД 2024: Кои се мега-богатите донатори кои го поддржуваат Трамп?
-
Повеќе од 30 лица го загубија животот во поплави во Бразил, 60 лица се водат како исчезнати
-
Турција ги прекина трговските односи со Израел
-
Северноатлантскиот совет ги осуди последните руски хибридни закани
-
Променливо облачно со пороен дожд и грмежи
-
Состојба на патишта
-
Владата донесе одлука со која цената на осигурувањето од автоодговорност се враќа на ниво од пред 25 април