Витаминот Д го намалува ризикот од астма
Во светот 300 милиони луѓе боледуваат од астма, а земањето на витаминот Д како додаток на редовните лекарства може да го намали ризикот од тешките напади од оваа болест, објавија научниците.
Научниците заклучокот дека додавањето на витаминот Д ги намалува тешките напади од астма за 3 до 6 отсто, го донеле врз база на клиничките испитувања во САД, Канада, Индија, Јапонија, Полска и Велика Британија.
Адријан Мартино, професор од Лондонскиот универзитет кој го водел истражувањето, вели дека резултатите се ветувачки, но повикува и на претпазливост. „Станува збор за релативно мал број клинички испитувања, а пациентите главно боледувале од блага до умерена астма“, вели.
- Неопходни се истражувања на деца и на возрасни со тешки форми на астма, и дури тогаш ќе може да се каже дали витаминот Д им помага на таквите пациенти, вели Мартино.
Дополнителните истражувања веќе се започнати и резултатите ќе бидат познати за неколку месеци.
Ерика Кенингтон, челничка на здружението Asthma UK, се согласува дека резултатите ветуваат, но и таа смета дека се потребни дополнителни докази за дефинитивно да бидат потврдени.
- Со толку многу форми на астма, можно е витаминот Д да помага само кај некои, а не сите, смета Кенингтон.
Независна ревизија од страна на истражувачкиот центар Кокран на девет клинички испитувања покажа, исто така, дека стапката на напади од астма е намалена по третман со стероиди. Според нив, не е јасно дали ова им помага само на оние пациенти како кои има недостиг од витамин Д.
Тие, исто така, утврдиле дека стапката на напади на астма за кои е потребен третман со стероиди паднала за 0,44 до 0,28 напади по лице годишно, по употребата на витаминот Д. Се покажало дека витаминот Д не ја подобрил функцијата на белите дробови или симптомите на астмата од ден на ден.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ