Свет
31. October 2015 - 13:46

ВИДЕО ОД НЕСРЕЌАТА: Пронајдена една од црните кутии на авионот

На местото на разбивањето на рускиот авион на Синајскиот полуостров во Египет се пронајдени телата на 100 лица. Ова го соопшти РИА Новости, повикувајќи се на спасувачи, кои работат на местото на инцидентот. Сите 224 патници на урнатиот во Египет авион биле државјани на Русија. Во авионот имало 217 патници, меѓу кои 17 деца, како и 7-член екипаж. Во листата на патниците фигурираат заменик-шефот на Псковска област Александар Купилов и неговата сопруга.

За жал, иако се мислеше дека има преживеани и дека се слушаат гласови од двата дела на авионот, сепак црните сценарија се потврдија како точни.

Според последните податоци е пронајдена една од црните кутии на авионот.