(ВИДЕО) Американецот Џош Скот ново засилување за МЗТ Скопје

 

 

 Доскорешниот играч на Колорадо универзитетот од американската НЦАА-лига, Џош Скот е најновото (трето) засилување за МЗТ Скопје Аеродром во летниот преоден рок, пред напорната сезона во која шампионот го очекуваат исклучително тешки пресметки, пред сѐ во Еврокупот и во АБА-лигата.

 

Американецот (23 год, 208 см) игра на позицијата „четири“ и зад него се повеќе од 1.700 поени, 900 скока и сто блокади за време на четиригодишниот престој во колеџот од Денвер. З

 

а Скот, настапот во дресот на „металците“ ќе биде дебитантски на европската кошаркарска сцена, откако претходно има играно само уште за „Луис-Палмер“ средното училиште. Крилниот центар, во последната средношколска сезона, имал просек од 28,5 поени, 11 скока и 2,5 блокади и низа од 27 победи со својот тим.

 

Од него се очекува да донесе предност во скок-играта, да биде столб на одбраната како и константна опасност по противничкиот кош. 

 

Скот е третото официјално засилување за МЗТ Скопје Аеродром летово, откако претходно потпис на договорот со сино-белите ставија Холанѓанецот Шарлон Клоф и повратникот Ѓорѓе Дреновац.