Вежби на воени авиони на САД и Јужна Кореја над Корејскиот Полуостров
Американската војска испрати денеска неколку бомбардери Б-1Б и борбени авиони Ф-35 да учествуваат во воените вежби заедно со Јужна Кореја над Корејскиот Полуостров, покажувајќи ја својата сила пред Северна Кореја, соопшти Министерството за одбрана во Сеул.
- Бомбардери полетаа од Гуам, борбени авиони од Јапонија, а ним во вежбите им се придружија шест јужнокорејски борбени авиони, нагласи претставник од Министерството.
Кина и Русија денеска, исто така, започнаа поморски воени вежби во близина на брегот на Северна Кореја, во момент кога се зголемени тензиите поради нуклеарната програма на Пјонгјанг и во пресрет на заседанието на Генералното собрание на ОН.
Заедничките поморски маневри ќе се одржат меѓу Заливот Петар Велики, во непосредна близина на руското пристаниште Владивосток и кај руско-севернокорејската граница, и јужниот дел на Охотско Море, во подрачјето северно од јапонскиот брег.
Ова е втор дел на кинеско-руските поморски вежби оваа година, а првиот дел се одржа во јули на Балтичко Море.
Ново на Сител
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста