Вевчани се збратими со романската општина Бран
Општина Вевчани денеска во Букурешт потпиша договор за збратимување со Романската општина Бран.
Општината Бран, позната по Замокот на Дракула ќе соработува со Вевчани на повеќе полиња, но главната цел на збратимувањето е Вевчанскиот карневал. Покрај Вевчани денеска во Букурешт под мотото „Заедно низ Европа“ ќе се збратимат повеќе општини од Македонија и Романија.
Збратимувањето, како што информира градоначалникот на Вевчани Цветомир Угриноски, е на иницијатива на општината Бран, а се реализира во рамки на одбележувањето 20 години од воспсотавувањето дипломатски односи меѓу Македонија и Романија. Соработката, според него, ќе овозможи влевање европски пари за реализација на локални проекти во Вевчани.
- Збратимувањето ќе значи поголеми можности за развој на туризмот и културата во Вевчани, но и можност за учество во меѓународни проекти со европските партнери, изјави Угриноски.
Замокот Бран или попознат кај народот како Замокот на Дракула е најпосетуваното место во Романија.
Општина Вевчани има воспоставеноп соработка и со Мелник од Бугарија , Ковачица од Србија и Херман Вил Сурмер од Франција.
Ново на Сител
-
Климатските промени го уништуваат езерото
-
Преглед на вестите од светот
-
Светска банка: Со ваков раст на БДП стандардот на европските граѓани ќе го стигнете за 60 години
-
Илјадници верници во Ватикан чекаат „бел чад“
-
Литија со моштите на Свети Георгиј ја освети Струга
-
Тема на денот со Александар Николоски, министер за транспорт и вице премиер
-
Првиот приватен универзитет во Македонија АУЕ–ФОН одбележува 22 години од основањето
-
Милановиќ: Македонија не смее да биде жртва на уцени за членство во ЕУ