Велосипедско дефиле во Македонија
По повод 22 Септември - Денот без автомобили и Европската недела на мобилност 2016 (16-22 септември), на градските улици во Скопје и во 12 други градови ќе се одржи велосипедско дефиле.
Традиционално, дефилето во Скопје ќе стартува во 11 часот кај порта „Македонија“. Велосипедистите ќе возат по улицата „11 Октомври“, а на крстосницата со булеварот „Кочо Рацин“ ќе завртат десно до крстосницата со улицата „Свети Кирил и Методиј“. Потоа ќе возат по улицата „Свети Кирил и Методиј“, па десно по булеварот „Свети Климент Охридски“, на крстосницата со булеварот „Партизански одреди“ ќе завртат лево и ќе возат по булеварот се до крстосницата со улицата „Никола Парапунов“. Потоа ќе завртат десно и по булеварот „Илинден“ ќе пристигнат во Градскиот парк, на Школка.
Во 11:30 часот на Школката во Градскиот парк, ќе се одржи забавен хепенинг со настап на уличните свирачи и наградна игра за учесниците во дефилето.
На дефилето ќе се приклучат и ќе се обратат шефот на Делегацијата на ЕУ Самуел Жгобар, вицепремиерот за европски прашања Арбр Адеми, министерот за животна средина и просторно планирање Башким Амети и претседателката на Советот на Град Скопје Ирена Мишева.
Велосипедско дефиле ќе има и во Берово, Битола, Кичево, Струмица, Велес, Кочани, Куманово, Неготино, Дојран, Охрид, Пехчево и Штип.
Оваа година Европската недела на мобилност се одбележува во повеќе од 2.370 градови и во 51 држава од Европа и светот.
Ново на Сител
-
Нема кој да ги управува „Ер тракторите“ на Дирекцијата за заштита и спасување
-
Хамас: Нема напредок во преговорите со Израел, САД ни вршат притисок
-
Најмалку 18 лица загинати, а 30 повредени при терористички напади во североисточна Нигерија
-
Во Франција се одржува првиот круг вонредни парламентарни избори
-
Сообраќајот се одвива непречено, по суви коловози, золемен интензитетот надвор од градските средини
-
Сончево и многу топло време со температури до 38 степени
-
Во Белград уапсено уште едно лице под сомнение за терористичко здружување
-
Орбан: Проширувањето на ЕУ кон Западен Балкан е запрено, на европскиот блок му се потребни нови членки