Вебер: Турција нема да стане членка на ЕУ
Зачленувањето на Турција во ЕУ е целосно исклучено, изјави лидерот на Пратеничката група на Европската народна партија во Европскиот парламент, германскиот демохристијанин Манфред Вебер.
- Турција нема да стане членка на ЕУ, изјави Вебер во интервју за весникот „Ноје Ознабрикен Цајтунг“.
Според него, наместо полноправно членство, многу „поразумно“ ќе биде ЕУ и Турција да склучат посебен договор за соработка во областа на економијата, културата и студентската размена.
Европскиот парламент во четвртокот усвои резолуцијата со која се бара замрзнување на преговорите за членство на Турција во ЕУ, во знак на протест поради чистките во земјата, по неуспешниот обид за преврат.
По ова турскиот премиер Бинали Јилдирим изјави дека тој документ нема никаво правно значење на Турција, а претседателот Реџеп Тајип Ердоган се закани дека Анкара би можеле да ги отвори границите кон ЕУ за оние мигранти што сега се наоѓаат на нејзина територија.
Ново на Сител
-
Николовски: Се контролираат и лиценци за изградба на сите објекти
-
Психолошка помош им е потреба на голем број граѓани, особено на семејствата кои ги изгубија најблиските
-
Преглед на вестите од светот
-
Приведени тројца градоначалници на Кочани
-
Зајакнати тимови од психолози и психијатри во Кочани, МОН препорачува да се работи со децата
-
Тема на денот со Сашо Клековски, директор на ФЗОМ
-
Уапсен градоначалникот на Кочани
-
Последен поздрав за жртвите