Васил Гарванлиев не се пласира во финалето на Евровизија

Евровизија се врати во стариот сјај, со публика и изведувачи на сцена. За разлика од минатата година кога беше откажана поради андемијата со коронавирусот годинава, Евровизија сега блесна во Ротердам Холандија.

Шеснаесет земји се претставија во првото полуфинале. Македонија, Литванија, Словенија, Русија, Шведска, Австралија, Ирска, Кипар, Норвешка, Хрватска, Белгија, Израел, Романија, Азербејџан, Украина и Малта, со тоа што Германија, Италија и Холандија гласаа во ова полуфинале. На сцената се појави и тројниот евровизиски претставник Џони Логан (двапати како изведувач и еднаш како композитор), а преку омаж, се потсетивме и на победниците во изминатите 65 години.

Васил Гарванлиев е нашиот евровизиски претставник кој вчеравечер настапи на првата полуфинална вечер со песната „Here I stand“. Среќа за влез во полуфиналето, му посака и премиерот на фејсбук, кој ја повика дијаспората да гласа за него.

Во финалето во сабота се пласираа, Норвешка, Израел, Русија, Азербејџан, Малта, Литванија, Кипар, Шведска, Белгија и Украина. Годинава, освен нашиот претставник, за финалето пласман не обезбедија ниту Хрватска, ниту Словенија.

Второто полуфинале ќе се одржи на 20 мај. Седумнаесет земји ќе учествуваат во второто полуфинале. Сан Марино, Естонија, Чешка, Грчка, Австрија, Полска, Молдавија, Исланд, Србија, Грузија, Албанија, Португалија, Бугарија, Финска, Латвија, Швајцарија и Данска, плус Франција, Шпанија и Велика Британија ќе гласаат во ова полуфинале.