-->
-->
Вардар победник на турнирот „Вардар 2015“
-->
Македонскиот ракометен шампион Вардар го освои трофејот на турнирот „Вардар 2015“ што се одржа во спортскиот центар „Јане Сандански".
Во финалето Вардар го совлада шведскиот првак Кристијанштад со убедливи 32:24. Тоа, впрочем, беше и најголемата разлика на натпреварот.
„Црвено-црните“ веќе во 8.минута кога имаа двојно повеќе голови од Кристијанштад, 6:3, а истата ситуација се повтори и неколку минути подоцна кога беше 8:4. На половина од првиот дел Вардар имаше 11:6, а благодарение на извонредниот Арпад Штербик дојде и до 16:9 во 22.минута.
На полувреме се отиде со резултат 16:11, а Швеѓаните на почетокот од вториот дел се доближија до 16:13. Потоа Вардар одново резултатски се одлепи и до крајот не му дозволи на противникот да се доближи посериозно.
Хорхе Македа беше прв стрелец на мечот со пет гола, Лука Циндриќ постигна четири, а Дејан Манасков три. Штербик мечот го заврши со 14 одбрани, со што само потврди дека беше најдобриот голман на турнирот.
Игор Карачиќ го понесе признанието за МВП односно најкорисен играч на турнирот, на кој пак ракометарот на Кристијанштад, Џери Толбринг беше прогласен за најдобар стрелец.
За триумфот на турнирот Вардар заработи (заштеди) 15.000 евра, додека Кристијанштад доби 10.000 евра, а Чеховски Медведи награда од 5.000 евра.
-->
-->
-->
Ново на Сител
-
Реал Мадрид официјално објави дека Анчелоти заминува на крајот од сезоната
-
Калас: Подобро од кој било знаете дека патот до ЕУ не е лесен, но останете на него, Унијата е со вас
-
Кривична пријава против поранешен директор на јавно претпријатие од Струмица за злоупотреба на службена положба
-
УК за радиотерапија и онкологија апелира за смиреност и доверба во персоналот
-
Мицкоски: Ние сме подготвени, Европа може да смета на нас, а сега е време и ние да почнеме да сметаме на Европа
-
Двајцата пациенти со мајмунски сипаници се од Скопје, не патувале надвор од државата, вели Андоновска
-
Во Појасот Газа пристигна уште помош, додека ОН предупредуваат на проблеми со дистрибуцијата
-
Русија три дена под масовен напад со дронови