Џет-Сет
18. August 2021 - 11:44

Ван Дам за 30-годишнината на „Двоен удар“

Белгискиот глумец Жан-Клод ван Дам е една од најголемите акциони ѕвезди од 1990-тите, па по повод 30-годишнината од филмскиот мегахит „Двоен удар“ (Double Impact), имаше интервју за „Јаху ентертејнмент“.

Тука, тој раскажува и како претходно во 80-тите, накусо го глумел и „Предаторот“ (во костим) спроти Арнолд Шварценегер и како еднаш се прикрал на имотот на Силвестер Сталоне, со надеж дека ќе се приближи до иконата од „Роки“ и „Рамбо“. Ван Дам – „мускулестиот од Брисел“, кој сега има 60 години, беше холивудска сензација откако ги одигра браќата близнаци разделени при раѓање, кои се обединиле по 25 години за да се одмаздат за смртта на нивните родители.

– Отсекогаш сакав да ги импресионирам луѓето со глумата, вели Ван Дам.

Филмот, инаку е инспириран од „Браќата на Корзика“ на Александар Дима, а е во режија на Шелдон Летич.

Инаку, Ван Дам за таа улога требало „да се бори“ со еден друг негов познат „соперник“ – Долф Лундгрен, како негов близнак, за нивните заеднички адвокат и агент да заработат двојно повеќе пари од филмот. Филмот тоа време заработил 30 милиони долари, двојно повеќе од буџетот.

Годинава, белгиската ѕвезда е актуелен со трилерот „Последниот платеник“ (Le dernier mercenaire) на Нетфликс.