Вајгл ќе информира дали проектот „Жан Моне“ е прифатлив за партиите
Изветувачот за Македонија во Европскиот парламент Иво Вајгл разговорите со претставниците на парламентарните партии во македонското Собрание за проектот „Жан Моне“, денеска ги продолжи со средба со координаторот на пратеничката група на СДСМ, Томислав Тунтев.
По средбата со Тунтев, Вајгл ќе се сретне и со координаторот на пратеничката група на ДУИ, Ејуп Алими, како и со Сурија Рушиди од Алијанса на Албанците.
По завршувањето на средбите, европратеникот заедно со евроамбасадорот Самуел Жбогар, повторно ќе се сретне со претседателот на Парламентот Талат Џафери.
Вчера, Вајгл имаше средби со координаторот на ВМРО-ДПМНЕ Илија Димовски, на БЕСА Африм Гаши, како и со Мерал Узеири Ферати од ДПА, како и со претседателот на Парламентот Џафери.
На крајот од дводневниот престој во Скопје, Вајгл на прес-конференција ќе информира дали кај парламентарните партии има расположение за неговата иницијатива за одржување средба во куќата на Жан Моне крај Париз, на која власта и опозицијата би разговарале за отворените прашања кои ја оптоваруваат политичката клима во Македонија.
Станува збор за неформално отворање процес на дијалог, без присуство на камери, за време на кој би се направил обид да се најде заеднички јазик за одредени прашања. Целта е приближување на ставовите за теми клучни за процесот на интеграција.
Ново на Сител
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица
-
21-годишна албанка излетала од патот со автомобил близу Битола, тешко повредени сопатниците
-
Кипар под црвен метео аларм: Температури до 45 степени, забрана за работа на отворено
-
Тешко повреден параглајдерист во Крушево се пренесува со полициски хеликоптер во Скопје
-
Кривична против 14-годишник од Куманово, извршил шест тешки кражби во приватни имоти
-
Жена од Гостивар физички го нападнала своето 4-годишно дете
-
Дмитриев: За постигнување мир во светот мораме да ги исправие грешките на Бајден