Уставниот суд на Италија го измени изборниот закон, што може да доведе до предвремени избори
Италијанскиот Уставен суд денеска оцени дека дел од изборниот закон на земјата е невалиден, но недопрени остави поголем дел од постојните правила, пренесоа британските медиуми.
Одлуката на судот може да го отвори патот кон предвремени избори годинава.
Во писмената одлука судот ја отфрли идејата парламентарните избори да се одржуваат во два круга, прифаќајќи дека секоја партија која во првиот круг од изборите ќе освои најмалку 40 проценти од гласовите, да треба да добие дополнителен бонус што автоматски ќе и осигура парламентарно мнозинство.
Притоа, судот одлучи дека законот, со направените измени, може да се применува веднаш, доколку бидат закажани избори. Избори не се предвидуваат пред почетокот на следната година, но поранешниот премиер Матео Ренци, кој ја предводи владеачката Демократска партија, неодамна изјави дека сака избори колку што е можно поскоро.
Веднаш по објавувањето на одлуката на судот, за итни избори се заложи и антисистематското популистичко „Движење 5 ѕвезди“.
„Судот ни кажа дека она што треба да го направиме е на земјата да и дадеме изборен закон што најмалку го нарушува Уставот. Затоа сега треба да ја почитуваме одлуката на судот и да оддржиме избори“, на Фејсбук напиша сенаторот од движењето Никола Мора, цитиран од британските медиуми.
Неговата позиција ја поддржаа уште неколкумина пратеници од „Движењето 5 ѕвезди“, кое е главна опозициска партија во Италија.
Ново на Сител
-
ЦУК: Четири активни пожари, три под контрола
-
Трамп нагласи дека имал „многу добар разговор“ со европските лидери
-
Шефот на НАТО вели дека Европа и Трамп се обединети во напорите за завршување на војната во Украина
-
Пожарите во Албанија не стивнуваат, најкритично во Делвина и Финиќ, опозицијата бара прогласување вонредна состојба
-
Вучиќ најави дека нема да се кандидира на следните избори
-
Венс: Трамп ми рече дека има мисија да го врати мирот во Европа
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица