Уреден дел од улицата „Борис Кидрич” во Тетово, покрај Поштата
Реконструиран е тротоарот на улицата „Борис Кидрич”, покрај Поштата во Тетово, со површина од 480 м². Притоа е поставена нова урбана опрема, како клупи и корпи за отпадоци, а од неодамна тука има и улично осветлување. Градоначалничката на Општина Тетово, Теута Арифи, беше во посета на овој дел од градот.
-Тука сме на тротоарот спроти новата зграда на театарот, кој се гради во Тетово. Овој дел, како што сите граѓани знаат, имаше потреба од интервенција. Се интервенираше комплетно во должината на тротоарот, подземните работи, а исто така е поставено и јавно осветлување за зголемување на сигурноста на граѓаните кои се движат во ова централно гратско подрачје. Ние и понатаму ќе продолжиме со вакви слични проекти кои го олеснуваат не само движење, туку ја зголемуваат и сигурноста на движење на граѓаните на тротоарите и во градот Тетово, рече градоначалничката на Општина Тетово.
Инвестицијата за средување на овој дел на улицата „Борис Кидрич” е 1,1 милион денари, додека за јавното осветлување се потрошени 300.000 денари.
Ново на Сител
-
Дојран нема лекар - Туристите и мештани патуваат во соседни општини за прегледи
-
Нов обид за набавка на компресорска станица за хируршките сали - Се уште не е утврдено што ја предизвикало смрдеата
-
Жестока дебата во Собранието за зголемувањето на пензиите
-
Скопје одбележува 61 година од катастрофалниот земјотрес
-
Во Париз вечерва ќе се одржи свеченото отворање на 33-те Летни олимписки игри
-
Дурмиши веќе остварил средба со синдикатите за минималната плата
-
Наскоро нов тендер за компресорски систем на Клинички
-
61 година од земјотресот во Скопје