Ураган потопи цел остров: Силна бура збриша од лицето на земјата дел од Хавајскиот архипелаг

Ураганот Валака потопи еден остров од Хавајскиот архипелаг.

Според податоците од сателитот на Службата за зачувување на рибните ресурси и диви животни во САД, остовот Исток целосно е потопен.

Тој е долг околу километар, а широк 120 метри. На Исток се наоѓаше половина од популацијата на зелените морски желки кои се наоѓаат на раб на изумирање.

Архипелагот го сочинуваат 24 острови во северниот дел на Пацифик. Научниците се плашат дека поради промената на климата може да исчезнат и други острови.