Унгарија повеќе не е безбедна земја, одлучи австриски суд
Управниот суд во Австрија оцени дека Унгарија повеќе не е безбедна држава за давање азил на бегалците.
- Состојбата во Унгарија од октомври минатата година е значително променета, поради големиот бран бегалци. Тие околности, со конкретна критика на условите за прием на азилантите во Унгарија, водат кон оценка дека Унгарија не е безбедна за баратели на азил, се наведува во соопштението на судот.
Судот укажува и на кршење на Европската конвенција за човекови права и Повелбата за фундаментални права на ОН, кои забрануваат нехумано и деградирачко однесување.
Поради кршење на овие документи, Судот одлучи дека е неприфатливо протерување на барателите на азил врз основа на Даблинскиот договор во Унгарија. Надлежните органи поради таквата одлука мора детално да ја анализираат актуелната ситуација во Унгарија и да вршат проверка дали е можна примена на правилата од Даблин за баратели на азил во Австрија, кои пристигнале од Унгарија.
Управниот суд одлучуваше по тоа прашање врз основа на жалба на една авганистанска бегалка, која во Австрија пристигнала со повеќе малолетни деца, а која се борела против протерување во Унгарија.
Таа во Унгарија побарала азил, а во октомври минатата година пристигнала во Австрија. Надлежните власти наредиле нејзино протерување, бидејќи Унгарија, според договорот од Даблин е надлежна за одлучување за доделување на азил во нејзиниот случај.
Ново на Сител
-
Струмичанец починал по задушување од пожар предизвикан од греалка
-
Претседателката Сиљановска-Давкова по повод новогодишните празници помилува седум осудени лица
-
Тошковски: Во 2025-та сите заедно посветено да работиме на обезбедување мир, стабилност и просперитет
-
Герасимовски: Во Центар почнавме нова приказна, нека ни е среќна и успешна новата 2025 година
-
Тошковски-Мисајловски: Да изградиме модерна полиција и модерна армија како што доликува на една современа европска држава
-
Четворица ученици од штипското училиште „Тошо Арсов“ спасија човечки живот
-
Мицкоски: Проблемот со ЈСП Скопје е административен, не е со нафтата
-
Продолжува бесплатниот превоз за студентите, Владата одлучи да му префрли 120 милиони денари на ЈСП-Скопје