Уметникот Велимир Жерновски на резиденциски престој во Австрија
Уметникот Велимир Жерновски овој месец остварува резиденциски престој во Грац, Австрија, како дел од програмата на проектот West Balkan Calling. Престојот на Жерновски го организира „Rotor“ - Асоцијација за современа уметност од Грац, во соработка со Проектниот простор Прес ту Егзит.
Прес ту егзит за овој резиденциски престој предложи десет македонски уметници од помладата генерација од кои, по одлука на меѓународно жири, беше поканет Велимир Жерновски. Возвратно, кон крајот на август, Проектниот простор Прес ту егзит го очекува пристигнувањето на австрискиот уметник Волфганг Обермаир на едномесечен резиденциски престој во Скопје.
- Велимир Жерновски се изразува преку изработка на објекти цртежи, видеа и фотографии, преку кои ги истражува промените во урбаната култура и прашањата поврзани со сексуалноста и родовиот идентитет, како и прашањата поврзани со постојаната транзиција, како на личниот, така и на идентитетот на сопствената генерација, соопшти Прес ту Егзит.
Велимир Жерновски има остварено неколку самостојни изложби во Македонија и Европа и учествувал во повеќе меѓународни проекти и културни соработки, Од 2008 година е коосновач и претседател на Ф.Р.И.К (Формација за развој на иницијативи во културата), програма што работи на мотивирање на социјално ангажирана културна продукција ослободена од секаков вид стереотипи и предрасуди.
West Balkan Calling, која ќе се реализира во текот на 2016 година, е програма за уметничка размена и резиденциски престои меѓу шест уметнички институции од Југоисточна Европа (во Скопје, Тирана, Сараево, Приштина, Цетиње, Белград) и пет уметнички институции од Австрија.
Здружението за современа уметност и кураторски практики „Проектен простор Прес ту егзит“ - Скопје е основано во 2004 година од уметниците Јане Чаловски и Христина Иваноска како посебна програмски базирана уметничка иницијатива за истражување и продукција во областа на визуелните уметности и кураторските практики.
Ново на Сител
-
Митева и Љатифи-Азизи: Завршува седумдневната национална жалост, но истрагата ќе продолжи со невиден интензитет
-
Украина: Русија загуби над 900.000 војници од почетокот на инвазијата
-
Иран: Преговорите со САД се можни само ако некои работи се променат
-
Уапсени 17 лица кои не ја почитувале одлуката за седумдневна жалост
-
Контролирани 16 угостителски објекти, три се затворени - два во Тетово, еден во Гостивар
-
Претстои променливо облачно време со повремен дожд, од среда наместа поројни врнежи, грмежи и силен ветер
-
Силна експлозија уништи зграда во областа Монтеверде во Рим
-
Папата денеска се појавува во јавноста за прв пат откако беше хоспитализиран