Украина: Напредуваме полека, но сигурно
Украинската армија полека, но сигурно напредува на фронтот во источниот и југоисточниот дел на земјата, како и во околината на Бахмут, изјавија високи воени претставници.
– Украинските одбранбени сили напредуваат во офанзивните операции. Непријателот пружа силен отпор, а трпи значителни загуби, објави на Телеграм Главниот командант на Украина, генерал Валериј Залужни.
Украинската заменик-министерка за одбрана Хана Маљар за националната телевизија изјави дека армијата напредува во одредени јужни области, особено околу двата окупирани града – Берџанск и Мариупол.
– Секој ден напредуваме. Да, напредокот е бавен, но сигурен, истакна Маљар.
Според неа, руската армија ги насочува своите сили кон јужниот фронт и кон Бахмут, каде што украинските сили освоија делови од територијата околу градот.
Тешките битки продолжуваат на истокот на земјата. Русија со месеци ги насочува своите сили таму за да обезбеди целосна контрола над регионите Доњецк и Луганск, посочи Маљар.
Ново на Сител
-
Приведен бегалец од затвор, осуден на казна затвор од осум години
-
Столе Попов добитник на наградата „Живојин Жика Павловиќ“ за промоција на балканската кинематографија во светот
-
Посетителка во Зоолошката градина побарала да се тестира за птичји грип
-
Неделков: Вработените во Зоолошката постапиле согласно протоколите, на сметка на тоа се јавно линчувани
-
Таравари: Работиме на децентрализација на Онкологија, да функционира како Институтот за трансфузиологија
-
„Левица“ поднесе кривична пријава против Африм Гаши за законот за бранители
-
Седница на Централното претседателство на ДУИ
-
МВР: Приведени осомничени крадци во Куманово