Укинат притворот на браќата Усеини
Советникот од ДУИ и бизнисмен, Нефи Усеини и неговиот брат вчера доцна попладне излегле од притвор и ќе се бранат од слобода. Информацијата за „Фокус“ ја потврди претседателот на Основниот суд Охрид, Васил Баткоски.
Иако на браќата Усеини им беше продолжен притворот за 30 дена и беше покренат обвинителен предлог, тие понудиле гаранција во недвижности во вредност од 850 илјади евра, односно по 425 илјади евра. Овој предлог за гаранција бил доставен до Јавното обвинителство кое одговорило позитивно и се согласило со понудената гаранција. Вчера попладне заседавал Кривичниот совет при охридскиот суд кој на седница ја прифатил гаранцијата и браќата околу 17 часот попладне излегле на слобода.
Претходно тие нудеа гаранција од по 10 илјади евра, но не им беше прифатена. Сега двајцата ќе бидат на слобода и ќе ја чекаат правосилноста на пресуда како обвинети за нападот врз охриѓанецот, Спирко Топаловски. Судскиот процес ќе почне по 20 септември.
Ново на Сител
-
Власта чека на ДУИ за измените во Законот за локална самоуправа
-
Тема на денот со Љупчо Петковски, политиколог
-
Дисциплинска за Наим Рамука и член на обезбедувањето на Гаши - МВР го расчисти инцидентот на Блаце
-
Мицкоски: Тензиите околу црквата во Врапчиште се дел од обидите за дестабилизација
-
Собранието ја почна процедурата за измени во Законот за локална самоуправа
-
Мицкоски: Ќе почекаме политичка влада во Бугарија, македонските ставови се јасни
-
Следната недела ќе се донесе есенска кошница со 100 производи
-
Дури 80 проценти од граѓаните од свој џеб си ги плаќале лековите кои им ги дале лекарите