УХМР со нова прогноза за времето

Времето утре во Македонија ќе биде сончево со умерена облачност, повремено облачноста ќе се зголемува и ќе има локална појава на дожд и грмежи. Ќе дува умерен до засилен југозападен ветер. УВ индексот ќе изнесува 8. 

Температурата ќе се движи од 24 до 38 степени.

Во Скопје ќе биде сончево со умерена облачност, повремено облачноста ќе се зголемува и ќе има локална појава на дожд и грмежи. Ќе дува умерен до засилен југозападен ветер. 

Температурата ќе достигне до 34 степени.

Во четврток врнежи ќе има на повеќе места, а локално ќе бидат пообилни и проследени со ретки грмежи. Дневната температура во следните два дена ќе бележи постепено опаѓање, а позначителен пад ќе има во четврток, кога ќе биде и најсвежо.