Ученици донираа храна за социјално загрозени во Кавадарци
Во рамки на хуманата акција за новогодишните празници што ја спроведе Банката за храна Кавадарци, активно се вклучија и учениците од IV-3 одделение при Основното општинско училиште „Тошо Велков Пепето“, кои донираа прехранбени продукти и средства за лична хигиена.
– Учениците беа мотивирани од нивната одделенска наставничка Клаудија Ангелова, со која како Банка за храна имаме одлична соработка, но и како екологисти. Ја поздравуваме ваквата иницијатива која треба да ја следат и други, затоа што сите луѓе заслужуваат пристојни оброци и поубав живот, нагласи Роберто Паризов, активист во Банката и претседател на регионалното еколошко друштво ,,Еко-живот”.
Ангелова посочи дека избрала племенита професија, да работи со учениците во првиот и најважен циклус од нивното повеќегодишно образование.
– Јас како наставник секојдневно се трудам да им го пренесам моето знаење и искуство, учејќи ги на сите морални вредности и принципи, ги учам да имаат одговорност кон заедницата и моја задача е од моите ученици да направам паметни и чесни луѓе. Јас ги мотивирам учениците, ги поттикнувам постојано да учат, да сознаваат, да истражуваат, да бидат свои, за своето добро и за доброто на општеството, нагласи наставничката.
Таа додаде дека се труди и да ги насочи кон основните вистински вредности во животот, да сакаат, да бидат љубезни, да бидат насмеани, секогаш да помагаат, да бидат хумани.
– Нивната хуманост ја видовме и на дело. Браво за моите ученици, нека го следат и останатите нашиот пример, на луѓето околу нас ова му е потребно, да им ги разубавиме празниците и секој нов ден во 2020 година, рече Ангелова.
Ново на Сител
-
Тројца мaлолетници нападнале син на државјанин на Белорусија
-
Туск со порака до Трамп: Не се плашиме, имаме одговор за американската царинска војна
-
Студентите во Нови Сад велат дека ќе останат на улиците и на мостовите додека правдата не биде задоволена
-
Калабрија се расплака и ја потврди разделбата со Милан
-
Трамп рече дека Венецуела ќе прифати депортирани мигранти, вклучително и членови на криминална група
-
Прегазено 3-годишно дете во Нови Пазар
-
Хеликоптерот што се урна во Вашингтон бил дел од единицата за безбедно евакуирање американски официјални лица
-
Данците во проблеми пред финалето, се повреди најдобриот светски ракометар